Sa 2.46% eun eamang ro utilization rate it Temporary Treatment and Monitoring Facility (TTMF) / isolation / quarantine facility sa bieog nga Western Visayas.
Base a pahayag ni Mariebe Adrias, Nurse V it Department of Health (DOH) Region 6, sa kabieogan nga 15,875 TTMF beds, 2.46% o 391 eang ro okupado it mga pasyente.
Maliban pa dikara, sa kabieogan nga 4,078 ka mga TTMF beds, 71 eamang ro okupado samtang sa 11,797 ka mga isolation beds 320 pa eang ro nagamit.
Napansin man ni Adrias nga mas maabong local government units sa bieog nga rehiyon ro nagdugang it mga TTMF o isolation facility para ma-cater ro mga COVID-19 infected nga mga pasyente.
Pahayag pa nana nga ro pagnaba it TTMFs utilization rate hay sambilog ka positibong senyales nga naganaba eun ro mga kaso it ginatamaan it COVID-19 infection sa bieog nga rehiyon./JIL B. LACSON
