Trapiko sa So. Utod napahagan-hagan na; Ambulant Vendors amat-amat nga ginaplastar sa tion sang Tiyenda

Daina E. Gerona

Hawan, matawhay, kag ligwa na ang sitwasyon sang dalanon sa So. Utod Brgy. 1, Kabankalan sa daan nga bulantehan sa ti-on sang market day kon ikumpara sang tinalkdan nga mga sabado nga tuman ka pi-ot kag nagatuga sang trapiko ang mga salakyan.

Ini pagkatapos sang reklamo sang mga residente sa So. Utod sa unahan sang bulantehan nga sa ti-on sang emerhensya indi sila makadali-dali sa paglabay bangud sang mapi-ot nga dalan dala sang mga wala na plastar nga mga ambulant vendors kag pinagusto nga pagparking sang tagsa ka mga salakyan.

Base sa interbyu nga ginpatigayon sang Brigada Kabankalan sa Ticket Checker kag Market Inspector Jose Repeque nga sa karon on hand sila sa pag-organisa sang sitwasyon sa daan nga bulantehan kag yara man ang kooperasyon sang mga vendors rason nga nagin mahapos ini.

Dugang pa ni Repeque, nga sa karon temporaryo pa lamang ang pagparking sang mga tricycle sa punta sang bulantehan, agud nga malikawan ang double parking kag ang obstruction sa dalan.

Angot sini, daku naman ang pasalamat sang pila ka mga vendors kaangay ni nanay Eden nga nagligwa na ang ila baligyaan kag mas indi na mabudlayan ang mga manugbakal iklabi na ang mga nagapangrompra sang tagdamo.

Sa pihak nga bahin, amat-amat naman nga ginapalimpyuhan ang mga kalog sa mercado agud malikawan na ang pagsaka sang tubig sa ti-on sang pag-ulan nga gaka-apektuhan ang tagsa ka mga vendors kag kumprador.

Leave a Reply

Your email address will not be published. Required fields are marked *