TANGGONG ang ubay-ubay nga mga motorista sa Yumang street extension, Barangay City Heights, GenSan human miambak ang usa ka boom truck sa kilid sa tulay.
Pasado alas-9 sa buntag, Marso 25 dihang gilatas sa trak ang dalan padulong sa sentrong bahin sa barangay san isidro, dihang nahitabo ang insidente. Human na-out of power ang usa ka trak nga dunay kargang walo ka toneladang kopra sa yumang street extension.
Gikaengong hinay lang ang dagan niini samtang nagsunod sa usa ka traysikad dihang nag-out of power. Pamahayag usab ni Patrolman Mark Butil, sakop sa Traffic Enforcement Unit (TEU) nga miresponde sa insidente.
Buot likayan ni Emnace ang sikad ug pick-up nga posible niining maatrasan hinungdan nga gihulog na lang sa drayber ang trak sa kilid sa tulay. Resulta sa insidente ang pagkaguba sa railing sa maong tulay samtang wala usab samaron nga natala sa hitabo.
Mag-abot usab ang tag-iya sa maong trak ug sakop sa Department of Public Works and Highway (DPWH) – GenSan aron hisgotan ang naguba nga railings. I Richel Gubalani
