Nagpatuman og traffic scheme ang City Transport and Traffic Management Office (CTTMO) sa mga nag-unang sementeryo dinhi sa syudad.
Kadtong dunay mga minahal sa kinabuhi nga mipanaw na og anaa gilubong sa San Pedro, Forest Lake, Orchard, Masonic, Wireless ug Catholic Cemeteries kinahanglan nga sundon ang traffic scheme alang karong adlawa, Nobyembre 1 ug Nobyembre 2 ugmang adlawa.
One way lamang ang agian sa mga sakyanan gikan Fr. Selga St. cor. F. Torres paadto Circumferential Rd. (Sarenas St.) cor. Jade St.
Mamahimo sab nga muagi sa Jade St. pa wala sa Turquoise St. ang mga sakyanan nga padulong San Pedro Memorial ug Forest Lake.
Regulated ang No Entry sa mga sakyanan gikan Fr.Selga St.cor Circum Rd. padulong Catholic Cemetery.
Tanang sakyanan nga padulong sa Forest Lake Cemetery pwedeng mugamit sa San Rafael St. (Gold St.) Silver St.-Copper St.
Samtang, hugot nga gidili ang parking atubangan sa tanang semeteryo sa dalang Circumferential Rd.
Hinoon, gibutangan og mga traffic advisories ang mga dalan ug signages aron magiyahan ang mga motorista ug pedestrian.
