Mas gipahugtan pa sa City Transport and Traffic Management Office (CTTMO) ang checkpoints sa mga truck sa Diversion road ning syudad.
Kini aron nga malikayan ang mga insedente nga kalambigitan sa dalan, hinungdan nga nagbutang og 24/7 checkpoints nga maoy mu-inspect sa brakes sa trucks padulong sa Diversion Road.
Sumala pa ni CTTMO Head Dionisio Abude nga nagbutang na ang ilang ahensiya og mga personahe nga maoy magmonitor sa trucks padulong sa south ug north.
Dunay checkpoint alang sa mga padulong sa south nga anaa sa Crocodile Park, samtang ang padulong sa north sa may Japanese Tunnel.
Magsugod ang monitoring human nga ma-lift ang truck ban; ang unang shift gikan 9 a.m. hangtod alas-4 sa hapon ug sa second shift, gikan alas- 4 sa hapon hangtod alas- 5 sa buntag.
Ginamonitor sumala pa nila sa higayon nga muagi ang trailer, wingvan kung duna bay breaking system nga 100 percent dili magkaproblema.
Ugaling dunay problema gina-advisan nila nga mugamit sa Mc Arthur Highway.
Dugang pa ni Abude nga ila kining gihimo isip tubag sa mga nahitabong disgrasya sa Diversion road.
Gani, plano nila nga dugangan ang checkpoints ug naglaum ang opisyal nga epektibo ang ilang gihimo aron nga mapugngan ang mga aksidente sa kadalanan.
Kinahanglan sumala pa nga dunay disiplina ang driver gumikan dili mabantayan sa otoridad ang tibuok Davao, bisan sumala pa og walay magbantay nga sakop sa CTTMO sa kadalanan, kung dunay disiplina ang driver walay mahitabong aksidente.
Kinahanglan sumala pa nga ayha mugawas o mubyahe, kondisyon ang sakyanan lakip na ang driver.
