Nagakulob kag nagapaligo na sang iya kaugalingon nga dugo ang isa ka trabahador sang nasapwan ini sa sulod sang iya nga kwarto, takna alas 8:00 sang aga, sa Brgy. Lawaan, Roxas City.
Ginkilala ang napatay kay alyas ‘Michael’, 21-anyos, residente sang Dumalag, Capiz.
Suno sa manager sang shop nga iya gina-ubrahan, ginpukaw pa sini si ‘Michael’ bangud magabukas na sila sang shop apang sang wala ini nagsabat, gintapik sini ang iya siki kag natukiban nga wala na sang kabuhi.
Sa inisyal nga imbestigasyon sang SOCO (Scenes of Crime Officer) , wala sang may nakita nga pilas sa kalawasan sang napatay, kag ginahulat nalang sa karon ang desisyon sang pamilya kun ipaidalom sa autopsy ang bangkay.| Frances Joy Preciosa
