SUPORTADO sa health authorities ang giduso nga total ban sa firecrackers nga hinungdan sa injuries sa matag selebrasyon sa Pasko ug Bag-ong tuig.
Human gibutyag sa labaw sa Department of the Interior and Local Government (DILG) nga angayang mopasar og ordinansa ang LGU nga nagbawal sa mga firecrackers. Matud ni Jenny Ventura, ‘Iwas paputok’ campaign focal person sa Department of Health (DOH) 12 sa Sarangani ug GenSan nga suportado nila ang lakang.
Kini human nakatala og rehiyon-12 og unom ka firecracker related injuries, duha sa North Cotabato, upat sa South Cotabato samtang zero ang GenSan ug Sarangani. Ang natala nga insidente karong pasko ang taas og 100% gikan sa tulo ka insidente nga narekord nakalabay’ng tuig sa susamang panahon.
Gigamit sa mga nabiktima mao ang illegal firecrackers sama sa 5-star, boga ug whistle bomb samtang sa legal mao ang kwitis.
