MISURENDER sa kapulisan sa Maasim, Sarangani Province ang duha ka gituohang miyembro sa New People’s Army (NPA) atol sa Pasko.
Giila sa Maasim Municipal Police Station ang mga misurender nga silang Gomer Balunto alyas Richie, 41-anyos ug Alex Aton alyas Ian, 32-anyos, pulos sakop sa Platoon Samsung sa NPA’s Guerille Front 73 MUSA sa Far South Mindanao Region (FSMR).
Gikaengong bitbit sa duha sa pagsurender ang srmas sama sa improvised short .20 gauge shotgun ug bala. Gisurender usab sa mga nasangpit ang eksplusibo nga karon naka-kostudiya na sa kapulisan.
Una nang, giawhag ni Police Brig. Gen. Jimili Macaraeg, regional director sa Police Regional Office (PRO) 12 gilayong iproseso ang dokumento aron maka-avail sa Enhanced Comprehensive Local Integration Program (ECLIP).
