IPINRISENTA kahapon ni Shariff Aguak Mayor Engr. Marop Ampatuan ang tatlong myembro ng Private Armed Group kay PRO BAR Regional Director PBGen. Eden Ugale.
Ayon kay Mayor Ampatuan, ang mga nasabing indibidwal ay kabilang sa Ampatuan Group na hawak ni Former Vice Mayor Datu Akmad Ampatuan.
Nabatid na siya mismo ang nag-inisyatibo na sumuko sa mga otoridad kasama ang tatlong iba pa upang ma-clear ang kanilang mga pangalan sa listahan at makapagdala na rin ng kapayapaan sa kanilang bayan.
Sinabi ni PRO-BAR Regional Director PBGEN EDEN T UGALE na ang naturang mga PAGS member na nakilalang sina Abby Aguak, Pendatun Ampatuan at Gani Macmod ay kabilang sa DI-Listed Active PAG as of march 15 2021.
Bitbit ng mga ito sa kanilang pagsuko kahapon ang tatlong M16 rifles at isang M14 rifles na ngayon ay nasa kostudiya na ng Bangsamoro Police.
