Gindalagan sa Pedro L. Gindap Municipal Hospital sa banwa kang Barbaza ang tatlo ka mga persona matapos mag-agum kang pilas sa nagkalain-lain nga bahin kang andang lawas kang dya ang naaksidente sa motorsiklo, sa Brgy. Poblacion, Tibiao, las-4:09 sa hapon kahapon, Agosto 16.
Ginkilala ang mga person kanday Emil John Mengote, 23 anyos, driver kang motor, residente kang Brgy. Martinez, Tibiao; samtang ang mga back riders naman amo sanday Marvin Nermal, 30 anyos, kag Mark Nermal, 28 anyos, lunsay mga residente kang Sitio Labangan, Brgy. Poblacion, Tibiao.
Nagaguwa sa imbestigasyon kang kapulisan nga samtang nagamaneho si Emil John kang motorsiklo nga nagabyahe paadto sa sur, kag madasig ang pagdara, naduraan dya kang kontrol sa steering handle pag-abot sa kurbada nga linya marapit sa municipal library sa diin sanda ang natumba kag nag-slide sa kanal.
Nagapabilin naman kadya sa ospital ang mga persona.
