Pilas sa ulo kag sablag sa nagkalain-lain nga bahin kang anang lawas ang naagum kang senior citizen nga si Gregorio Fernandez, 75 anyos, kag residente kang Brgy. Pacencia, Tobias Fornier, matapos nga dya ang mabungguan kang motorsiklo nga ginamaneho ni Handsome Paul Rumbinez, sa legal nga pang-edaron, kag residente kang Brgy. EBJ, Hamtic kang Agosto 16, las-5:30 sa hapon sa Brgy. Pacencia, Tobias Fornier.
Ginapahayag nga nagapanaw sa binit kang karsada si Gregorio kang dya ang aksidente nabungguan ni Rumbinez nga ginapatihan naman sa impluwensya kang makahurubug nga irimnon.
Si Rumbinez naman ang nag-agum kang lanug sa anang lawas sa diin sanda ang gindara sa President Diosdado Macapagal District Hospital sa Tobias Fornier para sa nagakaigo nga atensyon medikal.
Sa kadya, nagapabilin sa ospital ang 75 anyos nga si Gregorio.
