Nag-donate ng 20,000 sako ng bigas ang Taiwan sa mga apektadong komunidad ng mga nagdaang kalamidad.
Ayon kay Manila Economic and Cultural Office (MECO) chairman Silvestre H. Bello III, natanggap nila ang naturang donasyon noong nakaraang linggo mula sa Taipei Economic and Cultural Office (TECO), sa pangunguna ni Wallace Minn-Gan Chow – na siyang kinatawan ng Taiwan sa Pilipinas.
Nagpasalamat naman si Bello sa TECO, at sinabing malaking tulong ang donasyong bigas para sa mga mahihirap na pamilya, maging sa mga taong tinamaan ng mga kalamidad.
Ibinahagi rin nito na natukoy na nila ang mga makikinabang ng nasa 2,000-metric tons na rice donation.
Samantala, inaasahang darating pa sa mga susunod na buwan ang iba pang donasyong bigas.
