NANAWAGAN karon og tabang sa publiko si Alabel Mayor Vic Paul Salarda alang sa mga nabahaan nga residente.
Labi na matud pa kadtong naanod ang ilang balay tungod sa pagbaha.
Gikumpirma usab ni Salarda nga gikabkab sa tubig baha ang pundasyon sa hanging bridge samtang may ubang balay nga naanod sa baha ug nakabkab ang pundasyon sa pipila ka balay.
Pipila ka kadalanan usab ang gibaha tungod sa pag-awas sa mga sapa sa Alabel.
Gilayun usab gipabakwit ang mga gibahaan nga residente ug anaa sa municipal gym.
Matud ni Salarda nagpadala usab gilayun og food packs ug ubang hinabang sa mga gibaha nga katawhan.
Sutaon pa usab karong buntaga kung unsa ang mga damyos sa pagbaha nga resulta sa kusog nga pag-ulan tungod sa localized thunderstorms.
Nasayran nga bisan sa usa ka barangay sa Kiamba, gibaha usab ang kadalanan sa maong lugar tungod gihapon sa pagbaha.
