DILI pa makapahigayon og face to face classes ang usa ka pribadong tulunghaan sa GenSan hangtud dili makab-ot ang 100 percent nga mabakunahan.
Segun ni Warren Manilay, presidente sa Golden State College kinahanglang unahon usa nga luwas na ang pagpahigayon og in person classes tungod may posibilidad pa gihapon nga magtakdanay.
Dugang ni Manilay sa kasamtangan anaa pay mga aktibong kaso sa GenSan ug bisan sa region-12 hinungdan nga dili pa hingpit nga luwas sa virus.
Sa ilang tulunghaan anaa pa sa 80 hangtud 85 percent ang nabakunahan nga mga estudyante ug gusto nga siento porsento nga vaccinated apil ang ilang mga pamilya.
Pipila ka ginikanan nahinabi ni Manilay nga gusto matud pa nila nga makasiguro sa pag-abot sa Nobyemre kung taas pa gihapon ang kaso tungod dili gustong mabutang sa peligro ang ilang anak ug antuson na una nila ang online nga pagtuon sa ilang mga anak samtang anaa pa ang bahad sa virus.
Kahibaluan nga sa Nobyembre 2, 2022 ang tanang public ug private schools sa nasud ang magpahigayon na og in person clasess subay sa order nga gipagawas ni Vice President Sara Duterte, kinsa mao usay Education Secretary.
