Gipasalig sa tibuok pwersa sa Police Regional Office 10 ang ilang hugot nga pagsuporta sa bag-ong hepe sa Philippine National Police nga si Police General Benjamin Acorda Jr.
Una niini gikalipay sa mga kapolisan sa rehiyon ang pagtudlo ni Presidente Ferdinand Marcos Jr. kang General Acorda Jr. isip bag-ong PNP Chief.
Sigun ni Police Regional Office 10 Spokesperson Police Major Joan Navarro nga garbo nila si General Acorda.
Dako ang pagtuo sa PNP-10 nga mahimong hapsay ang liderato ni Acorda, tungod sayod sila kung unsa kamaayo ug humbled servant ang bag-ong hepe sa kapolisan.
Dugang ni Major Navarro nga mas palambuon pa nila ang ilang serbisyo dinhe sa rehiyon.
Kahibaloan nga sa wala pa milingkod sa bag-ong pwesto si General Acorda, nagsilbi kini nga Regional Director sa PNP-10 niadtong 2021-2022.
