NASIPLATAN sa monitoring team sa Department of Environment and Natural Resources (DENR) 12 ang pipila ka dugang sa Sarangani bay.
Kini dungan sa pagpahigayon nila og coastal ug marine habitat monitoring sa protected seascape. Ang tulo ka dugong ang nakita sa team sa baybayong bahin sa Barangay Gumasa sa Glan ug kini ang nadokumento gamit ang underwater camera. Matud ni Maria Elvira Lumayag, labaw sa Sarangani Provincial Environment and Natural Resources Officer (PENRO) ang pagpakita sa dugong ang gikonsiderang flagship species sa Sarangani Bay Protected Seascape (SBPS).
Nagpamatuod kini nga malampuson ang maong departamento sa lakang sa conservation sa kadagatan pinaagi sa strategic investments aron protektahan ang marine habitats sa marine mammals.
Giangkon ni Lumayag nga ‘crucial’ ang pagpabiling buhi sa marine species sama sa dugong nga modepensa sa sea grass beds nga puy-anan ug ilang feeding grounds.
Nanawagan usab ang mga environmentalist sa publiko nga mopadayon sa protekta sa planeta alang sa mosunod nga henerasyon. I Richel Gubalani
Photo by DENR Soccsksargen
