Inanunsyo ni Sudan Prime Minister Abdalla Hamdok ang kanyang resignation ilang linggo lamang matapos siyang ma-reinstate sa pamamagitan ng kontrobersyal na kasunduan sa militar.
Matatandaan na nawala sa kapangyarihan si Hamdok at naisailalim sa house arrest pero naibalik sa puwesto matapos ang isang buwan matapos siyang pumirma ng power-sharing deal kasama ang coup leader.
Iprinotesta ito ng mga tao kasabay ng paggigiit na dapat ay maibalik ang civilian political rule.
Matapang na inihayag ni Hamdok na nasa “dangerous turning point” ang Sudan.
Binigyang diin ni Hamdok na pinilit niyang gawin ang kanyang makakaya para mapigilan ang disaster sa kanilang bansa kabilang na ang pagpasok sa kasunduan.
Dagdag ni Hamdok, nagpasya siyang magbitiw sa tungkulin para maigyang-daan ang sinumang manunungkulan sa kanilang bansa.
