BNFM BICOL—Gadan an pigtutubudang miyembro nin suboot rebeldeng grupo makalihis ang nangyaring engkwentro kaning nakaaging aldaw sa Barangay Hinipaan, banwaan nin Bagamanoc, Catanduanes.
Susog sa iniluwas na report kan Catanduanes Police Provincial Office, alas siyete y media nin banggi kaning aldaw nin Dominggo, kan maka engkwentro kan pinagsarong pwersa nin kapulisan asin Philippine Army ang nasa poko mas o menos nasa sampulong miyembro nin New People’s Army.
An nangyaring enkwentro nagresulta sa pagkakagadan kan saro sa mga miyembro nin rebeldeng grupo na hasta sa ngunyan dae pa namimidbidan mantang nakadulag man suu iba kaning mga pag-iriba.
Apwera kaini, narekober man sa pinangyarihan kan engkwentro an carbin asin magasin; sarong kalibre 45 badil asin magasin kaini; sarong IED; electric cord; sarong backpack; sarong mobile cellphone; sarong baofeng hand-held radio asin maniba-ibang subersibong dokumento.
Katakod kaini, ipinahayag ni PBGen. Jonnel Estomo – Regional Director kan PNP Bicol na dapat pang mas paghiguton ang operasyon kontra krimen urog na ang manunungod sa insurhensya kung kaya ini ang saiyang ipigtaong direktiba sa gabos na mga unit commanders sa rehiyon.
Ini suboot ang saro sa nahihiling nindang paagi o lakdang pasiring sa dalan nin obheto na matuldukan ang haloy nang panahon na pagkuriyat nin bayolente asin takot na ipigdadara kan mga rebeldeng grupo.###
