BICOL – HINIKAYAT ngayon ng Department of Health o DOH ang mga Bicolano na makilahok sa ikakasang 2 araw na Special Vaccinations Days sa darating na Abril 25 hanggang 26 ngayong taon.
Ayon sa DOH-Bicol, sabayan itong isasagawa sa ibat ibang mga probinsya sa rehiyon sa layuning mas lalo pang mapataas ang vaccination coverage sa rehiyon at makamit ang target na herd immunity.
Pagpupunto pa ng ahensya, Nngayon na mababa na ang kaso ng COVID-19 at nakikita na rin ang positibong epekto ng mga bakuna ay mas lalo umanong dapat na magkaisa ang bawat isa tungo sa COVID-19 free Bicolandia.
Inaabisuhan naman ang mga nagnanais na makiisa sa nasabing aktibidad na makipag-ugnayan sa kani-kanilang mga lokal na pamahalaan upang malaman ang schedule at vaccination sites sa kanilang mga lugar.
Samantala, naka post din sa official facebook page ng DOH-Bicol ang mga numero na maaaring i-text o tawagan para sa mga katanungan at iba pang impormasyon ukol sa nasabing aktibidad.
Tema ng ikakasang 2-day special vaccination days saa rehiyon ay “Basta BIKOLANO,BAKUNADO, PROTEKTADO.”
