Ipinag-utos na ni Senate President Chiz Escudero ang imbestigasyon sa pagkahulog ng isang lalaki mula sa New Senate Building na dahilan ng pagkamatay nito.
Ayon sa security team ng bagong establisyimento, patagong nagpunta umano ang lalaki sa construction site bandang ala-9 ng gabi kahapon.
Sinubukan pa itong i-locate ng mga security guards pero bigo ang mga ito.
Dahil dito, ipare-review rin ng senador ang security protocols sa site.
Nagpahayag naman ng pakikiramay ang Senado sa pamilya at kaibigan ng nasawi.
