BNFM BICOL—Nakatalaang mag kundusir nin consultation meeting saaga aldaw nin Biyernes, an Sangguniang Panlalawigan nin Catanduanes kaiba an mga stakeholders para tukaron an dae matapos-tapos na problema dapit sa kuryente sa islang probinsya.
Segun ki Provincial Board Member East District Edwin Tanael, haloy na sindang nagkukundusir nin dayalogo dapit sa nasabing isyu, haloy naman na nakaabot sa saindang kaaraman na an depektibo asin raot nang mga linya sagkod an suplay nin kuryente an mayorya sa mga itinutukdong kawsa kan halos ara-aldaw na na e-eksperyensang pag brown out sa isla.
Ang dae suboot ninda maaraman, kung tanu ta hasta sa ngunyan dae pa nanggad iniyo masolusyunan kan FICELCO asin iba pang mga concerned agencies.
Huli kaini, saiyang ipig suhestiyon na hagadon na ang tabang kan mga nasa legal na sektor para matabangan kan mga ini ang SP sa legal na aksyon na dapat nindang gibuhon para sa kagianan kan mga miyembros konsumidores.
Alas dos nin hapon saaga, ikukundusir ang consultation meeting kung sain iimbitaran ang mga personahe kan Integrated Bar of the Philippines o IBP Catanduanes Chapter; Provincial Legal Officer; mga empleyado nin gobyerno asin maging si mga nasa pribadong sektor.
Katakod kaini, marurumduman na enot namang pigpahayag ni FICELCO General Manager Raul Zafe na an dae pa upgraded na tie-line sa Balongbong asin Hydroplants kan SUWECO an kawsa kan power interruptions sa Catanduanes.
Aabuton suboot nin P2.8 million ang kakaipuhanon na pondo para maribayan iniyo mantang madurar man nin halos duwang semana an pag trabaho para digdiyo.###
