Imbestigahan sa Cogon Police Station 2 nga gidumala ni Police Major Julius Saluta ang kamatayon sa sikad driver nga nahulog sa lawom nga drainage sa Barangay 30, ning syudad sa Cagayan de Oro.
Giila sa kapulisan ang biktima nga si Junior Mancao Bantiles, hingkod ang edad, sikad driver, residente sa Barangay Carmen ning syudad.
Sa inisyal nga pag-imbestiga sa SOCO kon Scene of the Crime Operatives, nakaangkon og samad sa ulo ang biktima nga gituohang nabunal sa semento nga bahin sa drainage ug uban pang bun-og sa lawas.
Samtang, gibutyag ni Barangay 30 kapitan Jasmin Zaballero nga gihimo na matud pang Comfort room sa mga sikad driver ang nahisgutang drainage o kanal.
Nakit-an matud pa nga hubog ang biktima ug mipaingon sa maong lugar nga posibleng nahulog ug wala na makabawi nga miresulta sa iyang kamatayon.
