Nasuta sa kapolisan nga anaa matud pa sa presensya sa ilimnong makahubog ang usa ka ulitawo nga nakabsan sa kinabuhe homan nga mibangga ang gimaneho niini nga motorsiklo sa usa ka truck sa National Highway Zone 8, Brgy. Poblacion, Laguindingan, Mis Or.
Naila ang biktima nga si Jonny Boy Dalondonan, 29-anyos, ulitawo ug residente sa Z-12 Brgy. Poblacion, Laguindingan.
Sa imbestigasyon, gibutyag ni Laguindingan Municipal Police Station Investigator on Case Police Master Sergeant Doniboy Alimahan nga mibangga ang motorsiklo sa nakaparada nga truck sa 2nd lane.
Atol sa maong higayon, wala ang driver sa truck gumikan miadto kini og Talakag aron magpatabang sa ilang mekaniko aron matul-id ang truck.
Abiso karon sa kapolisan, labi na sa mga motorista nga mag-amping gayud sa pagbiyahe ug likayan ang pag-inom tungod duna pay lain insidente sa kadalanan ang nahitabo tungod gihapon sa pag-inom sa ilimnong makahubog.
