RETALIATION sa terroristang grupo ang gituohang hinungdan sa kasundalohan sa pagbusikad sa eksplusibo sa Koronadal ug Tacurong City nga gikasamad sa usa ka traysikel drayber.
Matud ni Brig. Gen. Eduardo Gubat, acting 6th Infantry Division commander, reaksyon kini sa maong grupo. Sa gihimo nilang operasyon sa Sitio Patawali, Barangay Ganta, Datu Salibo, Maguindanao atong May 23. Asa gikaengong napatay ang miyembro sa Bangsamoro Islamic Liberation Front (BIFF) Karialan faction nga si Abdul Patir.
Samaron usab sa engkwentro ang lider sa Dawlah Islamiyah Turaife group nga si Abu Turaife. Naimbargo sa maong engkwentro ang nagkadaiyang kalibre sa armas, dugang ni Gubat. Tungod sa hitabo, gipakusgan na sa kasundalohan ang intelligence monitoring aron mapugngan nga masubli ang hitabo. Alas-12:15 sa udto mibusikad ang sampot sa unit sa Yellow Bus Line (YBL) sa GenSan driver duol sa KCC mall of Marbel sa Barangay Zone 3, Koronadal City South Cotabato.
Ang insidente ang gikasamad sa usa ka Wilfredo Ilagan Tino, traysikel drayber samtang luwas ang unom ka pasahero lakip ang drayber ug konduktor. Human ang pagbusikad sa Koronadal, alas-12:45 sa udto dunay mibusikad sa Purok Paraiso, Barangay New Carmen, Tacurong City apan walay nahimong samaron. I Richel Gubalani
