MAGKAPAKATAG ang kapulisan og bus ‘marshals’ sa mga bus terminal dungan sa pagbusikad sa eksplusibo sa Koronadal City, Huwebes. Kini ang pamahayag ni PBGen. Alexander Tagum, regional director sa Police Regional Office (PRO) 12.
Human mibusikad ang eksplosibo sa likod nga bahin sa usa ka unit sa Yellow Bus Line (YBL) sa GenSan drive atubangan sa KCC mall of Marbel. Lakip ang pagbusikad sa improvised explusive device (IED) sa Tacurong City asa gikan ang maong unit sa bus.
Matud ni Tagum, tumong niini ang pasigurong mabantayan ang tanang lugar nga sagad ginadagsa og tawo. “PRO 12 to deploy bus marshals in bus terminals and intensify security measures in all areas of convergence. At the same time, he implores the cooperation of the public,” pamahayag ni Tagum.
Samtang, gimanduan na niini ang mga sakop nga pahugtan pa ang seguridad dungan sa twin explosion. Dungan sa hitabo, gihangyo sa opisyal ang publiko nga magpabiling vigilante sa mga gikadudahang tawo ug butang sa palibot. Gisiguro usab niini ang padayong pagpangeta sa kapulisan sa mga personalidad nga lambigit sa hitabo. I Richel Gubalani
