Binawasan ng junta chief ng Myanmar ang kulong na sentensya laban sa ousted leader ng bansa na si Aung San Suu Kyi.
Inisyal na napatawan ng apat na taong kulong si Suu Kyi para sa incitement against the military at paglabag sa COVID-19 rules.
Sinabi ni Junta Chief Min Aung Hlaing na mapa-“pardon” ang sentensya sa loob ng dalawang taon para na sa dalawang kaso
Dagdag niya, mananatiling naka-house arrest ang dating lider sa capital na Naypyidaw.
Noong February 1 pa nakakulong ang 76-anyos na si Suu Kyi, mula nang maglunsad ang mga heneral ng kudeta para agawin ang kapangyarihan mula sa gobyerno.
Mula noon ay nahainan ng serye ng mga kaso ang napatalsik na lider ng Myanmar kabilang na ang paglabag sa official secrets act, illegal importation of walkie talkies, at electoral fraud.
