Dismayado ang isa ka senior citizen matapos nahibaluan nga lunsay mga peke ang titulo sang duta nga iya ginpamakal sa Brgy. Lanot, Roxas City.
Nagpadulong sa Roxas Component City Police Station si alyas Ecca, 70-anyos, residente sang Sitio Lawis, Brgy. Culasi sining syudad agud ipa-record ang natabo nga pagpanunto sa iya.
Suno sa biktima, Setyembre 4, 2023, gintanyagan siya nanday Sergio Alcones, 72-anyos; Janice Cordovero Bacay lunsay residente sang Brgy. Lanot kag Estelita Bermejo sang Brgy. Banica nga may yara sang duta nga ginabaligya sa Brgy. Lanot nga nagalapad sang 10,000 sqr.meter sa balor nga P500,000 kag iya ini ginbakal.
Dugang pa sini sang Setyembre 5, 2023, gin-updan naman ni Estelita Bermejo kag Perla Alimen sang Brgy. Malocloc Norte, Ivisan si Rhoda Bautista Oates sang Pob. Norte, Panitan nga nagabaligya man sang duta nga nagalapad sang 7,616 sqr.meter sa balor nga P320,000.
Apang sang nagpadulong ini sa Office of the Registry of Deeds ang biktima agud ipa-verify ang titulo, nadiskubrehan nga peke ini.
Sa karon, ang nasambit nga titulo ang ginpadala na sa Central Office sa Manila para sa nagakaigo nga disposisyon. | Judy Ann Juare
