Tiniyak ni Department of the Interior and Local Government Secretary Benjamin Abalos Jr. ang buong suporta sa bagong hepe ng Philippine National Police na si PGen. Benjamin Acorda.
Tiwala si Abalos kay Acorda na may malawak na karanasan at integridad para tuparin ang hamon ng pagiging chief PNP.
Sinabi ng opisyal na sa ilalim ng bagong pamunuan ng PNP, inaasahan niyang mananatiling walang humpay at maging mapagmatyag ang kapulisan sa pagsugpo sa mga criminal elements upang mapanatili ang kaayusan sa bawat sulok ng bansa.
Matatandaang , iniluklok ni Pangulong Ferdinand Marcos Jr. si Acorda bilang ika-29 na PNP chief sa traditional change of command ceremony sa Camp Crame.//CA
