Nagpapatuloy ang search and clean-up efforts sa Petropolis City limang araw matapos ang flashflood at mudslides na nangyari na kumitil sa buhay ng 152 na tao habang 154 pa ang nawawala.
Gamit ang mga pala, sinisikap ng mga workers na mahukay ang lugar sa pagbabakasakaling mayroon pang makukuha mula sa mga nawawala.
Gumamit na rin ng 41 na mga sniffing dogs ang mga otoridad upang makatulong sa paghahanap sa mga biktima.
Ipinaliwanag ng mga rescuers na mahirap gamitan ng heavy machinery sa taas ng guho kaya mano mano ang kanilang operasyon.
Una nang na-retrieved ang mahigit sa 300 na mga sasakyan na natangay ng flashflood. Binigyang diin naman ni Mayor Rubens Bomtempo na kailangang malinis ang mga kalsada upang mas mapabilis pa ang kanilang ginagawang operasyon at maibalik ang lungsod sa normal.
