LEGAZPI CITY – Tinawan nin authorization an gabos na school heads na magsuspendir nin klase pag igwa nin kalamidad o kaya pag brownout.
Segun kay Department of Education (DEPED) Bicol Spokesperson Mayflor Jumamil, nasa hurisdiksyon na kan eskwelahan kun mapautob sinda ki suspension o dai nin huli ta sinda an nakakaaram sa kamugtakan kan lugar.
Dugang pa kaini, en kaso man na magsuspendir ki face-to-face classes an eskwelahan, dapat siyertohon na may alternative delivery mode na gigibohon sa mga estudyante siring kan modular learning, distance learning, blended learning asin online learning.
Segun pa sa ahensya, sa ngunyan, wara pa sinda ki nareresibing insidente manungod sa namamateang init nin panahon kumpara kan nakalihis na taon na igwang naerehistro sa Bicol.
