LEGAZPI CITY – Nakapagrehistro na nin anom na kumpirmadong kaso nin pertussis an probinsya kan Albay segun sa Department of Health (DOH) Bicol.
Basado ini sa datos kan ahensya puon kan Enero 1 hasta Abril, kun sain puminakol na sa 21 kaso an naikurit sa rehiyon – anom digdi an hale sa Albay, siyam sa Camarines Sur, lima sa Sorsogon, saro sa Masbate, mantang parehong wara pa sa Camarines Norte asin Catanduanes.
Mientrastanto, igwa na man ki nairehistrong pagkagadan durante kan helang, kaya padagos an isinasagibong mga lakdang kan ahensya nganing mapugulan an paglakop kaini sa paagi nin vaccination program.
