LEGAZPI CITY – Inuyunan kan sarong transport group sa Albay an sinabi kan mga senador na dai pinag-isipan an Public Utility Vehicle Modernization Program. Ini an base kay Basta Driver Safety Enforcer Presidente Ronel Nebres sa intrevista kan Brigada News FM Legazpi, kun sain dai lamang muna su boot nagkaigwa ki konsultasyon sa mga transport group an naggibo kan omnibus franchise guidelines.
Dugang pa niya, wara ki pagkaaram sa operasyon kan mga traditional jeep an nagpaluwas kaini, basta na sana nagpaluwas ki giya asin dai niya aram kun may nangyari man lamang na pag-orolay sa ibang transport group alagad an punto niya, wara ki nagin public consultation.
Pigheras pa ni Nebres na an mawot kan gobyerno na mangyaring fleet management, dai man ikinonsulta sa mga operator kun mauyon digdi o dai kaya magkakaigwa talaga ki problema.
An pahayag niya, katakod kan nangyaring pagpirma kan 22 hale sa 23 na mga senador sa resolusyong nagbubusol sa paramientras na suspensyon kan PUVMP.
