Gipangdala sa Digos Doctors Hospital ang unom ka mga indibidwal lakip na niini ang mayor sa Pigcawayan, North Cotabato human nga nabangga ang gisakyan sa center Island sa kalsada alas-3:30 kagahapon sa hapon, Hulyo 19, 2023.
Sa inisyal nga imbestigasyon sa kapulisan, nga gisubay sa Nisaan Navara pick-up nga nakapangalan sa Municipality of Pigcawayan, North Cotabato nga gimaneho ni Hon. Juanito Cloud Agustin, Mayor sa Pigcawayan, 54 anyos, minyo ug residente sa Prk. Tigbawan, Pigcawayan ang dalang Davao Cotabato ug pag abot duol sa Iglesia ni Kristo Church, Tres de Mayo, Digos City nawad-an sa kontrol ang driver ug mibangga kini sa sementadong center Island sa kalsada.
Dali hinoon nga gitabang ang mga sakay niini ug gidala sa Davao Sur Provincial Hospital sila Nancy Agustin, 42 anyos, Jackie Agustin,37 anyos, Juan Agustin,15 anyos, Angel Caños,10 anyos, ug Nickiey Agustin, 9 anyos, nga karon padayon nga gitambalan sa mga doctor.
Samtang, gibyaan na lamang ang sakyanan sa lugar gumikan sa kadako sa damage niini ug padayon ang imbestigasyon sa kapulisan sa maong panghitabo.
