Nagwala ru eaeaki ag nagbastos it rumesponding mga pulis ag panakit it mga katapo it Kalibo Auxiliary Police (KAP) bangud sa selos sa mismong panimaeay it eaeaki sa Brgy. Tinigaw, Kalibo, Aklan.
Nag-atender sigun it birthday celebration ru live-in partner nga babaye sa New Washington rason nga gin sueang ni mister sakay ru anang motorsiklo.
Matapos ru selebrasyon, sumakay ru babaye sa tricycle it anang kaibahan resulta it pagka ugot it suspek.
Ikara nagwala ru eaeaki pag-abot sa andang panimaeay kat masayran nga indi mag-eobog ru babaye dahil sa sitwasyon.
Nagpangayo it police assistance ru live-in partner ag eagi man nga gin respondehan it mga pulis ag KAP member.
Ikara mas kapin nga nagwala ru suspek hasta sumukoe sa mga pulis ag gin bayo ru nag respondeng KAP.
Dinaea ru suspek sa Kalibo MPS para sa temporary kustodiya ag naga kaigo nga disposition.//MARIVIC Y. ILIN
