DUNGAN sa pagpalapad na sa GenSan sa libreng Covid-19 antigen testing alang sa mga trabahante mipailawom na sa testing mga frontline workers sa GenSan City Public terminal lakip ang unang batch sa vendors.
Matud ni Restituro Facurib, terminal administrator ang tanang mipailawom sa testing nga mga sakop ang nag-negatibo sa virus. Gihingusgan niini nga kinahanglan ang testing aron mapugngan ang pagsaka pa sa ihap sa virus sa GenSan.
Una nang, gibutyag ni Leonard Flores, labaw sa City Economic Management and Cooperative Development Office (CEMCDO), boluntaryo ang testing sa pakig-alayon sa mga business sector.
Kahibaloan nga sa 80 katao o unang batch nga mipailawom sa testing duha lang ang nagpositibo sa Covid-19. Ang lakang ang alayon sa Executive Order No. 48 nga gipagula nakalabay’ng tuig sa pagpahigayon og testing aron mabatukan ang virus sa workplaces sa siyudad. ( Richel Gubalani)
