Maghaharap ang Milwaukee Bucks at Phoenix Suns para pag-agawan ang mailap na NBA championship.
Ito ay matapos selyuhan ng Bucks ang finals ticket nang talunin ang Atlanta Hawks sa Game 6 ng NBA semis sa East 118-107.
Sa kabila ng hindi paglaro ng Milwaukee star na si Giannis Antetokounmpo, iginiya nina Khris Middleton at Jrue Holiday ang panalo sa kanilang 32 at 27 puntos.
Ito ang kauna-unahang NBA finals appearance ng Bucks simula 1974.
Samantala magsisimula naman ang Game 1 ng NBA Finals sa Miyerkules na gagaganapin sa home court ng Phoenix.
Hindi pa rin malinaw kung makakapaglaro ang 2-time NBA MVP na si Antetokounmpo sa kanyang unang NBA championship game.
