Hindi maituturing na panibagong “flashpoint” o lugar kung saan may mataas na tensyon ang Sabina Shoal.
Ayon kay Navy Spokesperson for the West Philippine Sea Rear Admiral Roy Vincent Trinidad, bagaman ito ang kauna-unahang “ramming incident” sa Sabina shoal hindi naman nila nakikita pang lalala ang sitwasyon sa lugar.
Kasunod nito, muling iginiit ni Trinidad na ang mga aktibidad ng China ay illegal, coercive, aggressive at deceptive sa exclusive economic zone ng Pilipinas.
Kasama na rito ang patuloy na pagtangka nito na kontrolin ang malaking bahagi ng South China Sea.
