GIPRESENTA sa research group gikan sa Davao City sa konseho sa GenSan ang epekto sa operasyon sa open pit mining. Matud ni Carmela Marie Santos, director sa Ecoteno lakip sa epekto mao ang erosion, formation sa sinkhole, biodiversity loss.
Lakip ang kontaminasyon sa groundwater tungod sa chemical gikan sa mining process sa kinatibuk-an ug partikular sa open-pit mining. Kung madayon ang plano kaniadto nga ibutang ang hugaw sa minahan sa taas sa bukid taas sa open pit mine site.
Ang mine waste ang mag-stacked up sumala gikan sa 300 meters high og mo-cover sa 500 hectares. Ang lugar ang naa lang sa napulo ka kilometro gikan sa Mt. Matutum nga main water ground sources sa GenSan. Subling nagpadayag og hugot nga pagbabag ang Diocese of Marbel pinaagi ni Br. Manuel De Leon, Presidente sa Notre Dame of Dadiangas Unit (NDDU) atol sa sesyon.
Samtang wala makatambong ang Presidente sa Sagittarius Mines Inc. (SMI) nga una nang gipadal-an og imbitasyon sa konseho. Ang Tampakan Copper Gold Project nga gi-operate sa SMI sa tri-boundaries sa South Cotabato, Davao del Sur ug Sarangani. Ang mining firm ang mogamit og 10,000 ektarya sa luna nga gikonsidera labing dakong mining use sa Asia. I Richel Gubalani
