Nanawagan si Quezon City Mayor Joy Belmonte sa mga business owners sa lungsod na makiisa at makipagtulungan sa kanila para sa nagpapatuloy na ‘Mpox’ contact tracing.
Kasunod ito ng pagkandado ng lokal na pamahalaan sa isang club dahil sa pagtangging makipag-cooperate sa contact tracing ng mpox.
Sa isang pahayag, ipinunto ng alkalde na ginagawa lang ng pamahalaang lungsod ang responsibilidad para matiyak na protektado at ligtas ang lahat residente laban sa mpox.
Giit pa ng alkalde, maituturing na banta sa kalusugan at kapakanan ng mga residente ang ganitong pagtanggi sa isinasagawag contact tracing efforts.
