Pormal nang naghain ng certificate of candidacy si dating Presidential son at ngayo’y Davao City Representative Paolo Duterte para sa congressional bid.
Target ni Duterte ang re-election bilang kinatawan ng unang distrito ng Davao City.
Inihain ang COC ng anak ni dating Pangulong Rodrigo Duterte sa pamamagitan ng kanyang legal representative na si Atty. Elijah Manuel Pepito.
Paliwanag ni Pepito, hindi na nakapaghain nang personal si Congressman “Pulong” dahil sa naunang engagement sa Metro Manila.
Mababatid na bago ito ay inihayag ni Duterte na “undecided” pa siya sa kanyang plano sa susunod na halalan bunsod umano ng nangyayaring gulo sa kasalukuyang administrasyon laban sa kanilang pamilya.
