NAGBUNGA ang ginahimo nga paningkamot sa buhatan sa City Population Office aron mapaubsan ang kaso sa mga sayong nagamabdos nga kabataan.
Sa kumpermasyon ni Population Officer Judith Janiola sa karon gipanaugan sila sa taga Manila aron i- validate ang ilang report kabahin sa programa sa Kaunlarang Pantao.
Tungod nahimo sila nga Top 3 sa shortlist nga 19 ka partisepante sa Rafael Salas Awards, ang founder sa population program sa gobyerno.
Ang hinungdan daw niini basi sa talaan sa mga nanganak gikan sa pampubliko ug pribadong hospitals sa Gensan lakip sa Local Civil Registrar gikan sa 1,200 nga ihap sa teenage pregnancy sa 2019 nag-anam kini og kunhod hangtud sa 2021, gibana banana nga naa sa 30-40 porsyento ang gikunhod.
Gidugang ni Janiola nga atol sa pandemya ug lockdowns may mga dapit nga taas ang kaso sa teen pregnancy apan nalipay kini kay niubos sa Gensan.
Ang ilaha daw nga effort atol sa pandemya mao ang information campaign unya sa Barangay San Jose nga medyo taas ang kaso kaniadto, may gibutang sila nga radio based nga system, pinaagi sa radio nga gibutang sa eskwelahan ug sa monitor nga ilang gihatag sa mga panimalay nakapaminaw gihapon sa lecture ang mga kabataan. I Ver Diazon
