NAGREKLAMO ang labaw sa City Permit Division gumikan walay mapakita nga health certificate ang pipila ka mga aplikante sa trabaho nga naga proseso sa ilang working permit.
Sumala kay Licensing Officer Geraldine Zamora nga sugod miaging semana nagkaproblema siya sa pipila ka aplikante nga nagaproseso og working permit apan walay dala nga health certificate gikan sa City Health Office.
Tungod niini ang gihimo ni Zamora nagpahimo na lang og promisory sa mga aplikante kon anaa na ang ilang health certificate ihatod na kini sa ilang opisina.
Samtang sa bahin sa City Health Office nahinabi sa Brigada si Dr. Lalaine Calonzo, sumala niini nga nagkaproblema sila sa milabay pa nga semana kay hinay ang signal sa sa internet sa ilang opisina mao nga nalangay ang pagprinta sa mga health certificate.
Ilaha na daw gitawagan ang kompanya ug gi-alisdan ang modem apan hinay daw gihapon, gi tan-aw na usab kon regular sila nga nagabayad, nasuta sa resibo nga regular usab sila nga nagabayad, apan nakaprinta na daw sila sa naunang nalangay nga certificate.
Ang hangyo na lang ni Zamora sa taga City Health Office nga maghimo og laing pamaagi kon ugaling hinay ang signal sa internet aron dili malangay ang mga aplikante sa trabaho nga ginatagalan usab sa mga employer, sa bahin sa City Health Office dapat daw ang taga telecom nga ilang ginabayran ang magtarong sa ilang serbisyo. I Ver Diazon
