NAILHAN na sa kapulisan ang personalidad nga mipusil-patay sa ATM technician Martes sa hapon. Kini pinaagi sa testimonya sa mga gihuptan nilang mga testigo nga nakahatag og lig-on nga mga pamahayag.
Matud ni PMajor Patrich Elma, hepe sa Pendatun Police Station personal nga bangi ang motibo nga natumbok nila sa krimen.
Apan gibutyag sa opisyal nga ‘pre- mature’ pa sa karon sa paghatag og dugang detalye kalabut sa krimen.
Apan naglaom si Elma nga mapasaka na sa piskalya sa daling panahon ang kaso batok sa natumbok nilang mipatay kang Anthony Asuncion.
Kahibaloan nga gilatas ni Asuncion sakay sa motorsiklo ang dalang Lapu- Lapu Street, Barangay Dadiangas East dihang gipusil. I Richel Gubalani
