PRAYORIDAD sa Department of Education (DepEd) 12 nga resolbahon ang problema sa kakulangon sa classroom ug ubang school facilities. Matud ni Carlito Rocafort, regional director sa DepEd-12 duna na karon infrastructure standard facilities ang ilang central office.
Kini ang nakatutuk sa problema sa departamento sa maong mga mga imprastraktura.
Ang pag-prioritize sa konstruksyon sa mga school buildings ang nakadepende usab sa isumite sa ilang mga regional ug division offices. Dugang ni Rocafort, laoman nga mas daghang classroom ang ipatukod sa rehiyon-12 12 sa 2025.
Ang rehiyon ang usa sa mga recipient sa Infrastructure for Safer and Resilience Schools o ISRS nga dunay P1 billion grant gikan sa world bank. Luyo niini dili angayang baliwaon ang mga local government unit gikan sa provincial, municipal ug barangay level nga dako ang itabang aron makonhuran ang ubang kakulangon sa classroom. I Richel Gubalani
