Arnel Callet
KABANKALAN CITY, Negros Occidental — Nakabaton sang cash incentives gikan sa lokal nga panguluhan sang syudad ang tatlo ka mga Kabankalanon Palarong Pambansa athletes kag duwa ka trainers sini sang Oktubre 16.
Ang Palarong Pambansa ang isa ka prestiyoso nga kompetisyon sa mga atleta sa bug-os nga Pilipinas, gikan naman sa nagkalain-lain nga buluthuan.
Ang mga atleta nga sanday Gold Medalist Chrisha Mabasa sang Magballo Elementary School, ang nakabaton sang ₱5,000; Gold Medalist Aehro Jeush Tibus halin sa Southland College, nakabaton sang ₱5,000; kag Silver and Bronze Medalist Jo Vincent Vonn Martir sang Kabankalan Catholic College, ang nakabaton sang ₱7,000.
Ang mga trainers naman ang nakabaton sang tag ₱5,000. Ini amo sanday Brenda Lee Mejica kag John Robert Mejica.
Pahayag ni Kabankalan Mayor Benjie Miranda, “Ang ini nga pagkilala ang indi lamang parte sa medalya nga nadag-an, kundi nagapakita sang dedikasyon kag pagpaninguha sang kada atleta kag sang mga naga tudlo”.
Madumduman nga ang Palarong Pambansa 2024 ang ginpatigayon sa Cebu City sang Hulyo, sa diin ginabulubanta nga lab-ot sa 10,000 tanan ka mga atleta kag coaches ang nagtambong sa kahiwatan, gikan sa 17 tanan nga rehiyon sang pungsod.
Magluwas sa nabaton nga cash incentives, gindugangan pagid sang tag ₱500 ang kada isa sang alkalde sang syudad. -BNFM Kabankalan
