Ku kan-o eamang, nakabaton it report ro Provincial Disaster Risk Reduction and Management Office (PDRRMO) angut sa pagguhos it eugta sa sangka aeagyan maeapit sa tulay sa Brgy. Samalague, Patnongon.
Naging rason ro pagguhos it eugta ro padayon nga pagbuhos it mabaskog nga uean bangud sa bagyo.
Base kay PDRRMO G. Broderick Train, padayon ro ginahiwat nga pagtambak it eugta ag graba sa apektado nga parte it daean.
Base pa sa ana, ro Engineering’s office hay may una eun nga nakataeana nga budget nga nagabalor it Php 700,000 para sa implementasyon it riprapping project sa nasambitang tulay.
Bangud man sa pakibulig it PEO, PDRRMO, MDRRMO it Patnongon ag Tibiao, ro nasambitan nga tulay hay gina-agyan eun makara it tanan nga klase it saeakyan./JIL B. LACSON
