Nagpaandam si Police Brigadier General Flynn Dongbo, director it Police Regional Office 6 (PRO-6), sa mga kapulisan it Western Visayas nga likawan rop pagkampanya o pag-endorso it mga kandidato.
Sa ginhiwat nga command conference para sa paghaom sa eleksyon, ginpahayag nana nga indi dapat mag-intra ro andang mga personnel sa anuman nga aktibidad pampulitika.
Dugang pa nana, ro mga kapulisan nga mapamatud-an nga mag-intra sa anuman nga hilimuon nga may kaangtanan sa pulitika hay mahaharap sa parusa ag penalidad.
Sa report it PRO 6, naka-relieve sanda it kabiueogan nga 136 ka mga kapulisan nga may mga pamilya nga nagadaeagan sa pwesto.
Sa nasambitan nga numero 24 dikara hay na-relieve sa Aklan; Capiz nga may 23;Antique nga may 20; Guimaras nga may 6; probinsiya it Iloilo nga may 36; ag Negros Occidental nga may 27
Ginhimo ro andang re-assignment agud malikawan ro impluwensiya sa magiging resulta it eleksyon sa lugar./JIL B. LACSON
