Uwa ginpasugtan it Department of Education (DepEd) nga makahiwat it in-person classes ro mga elementary ag secondary schools sa Iloilo City sa pihak it pagpaidaeom it siyudad sa COVID-19 Alert Level 1.
Matandaan nga maabong mga kabataan sa Iloilo City ro nagpabakuna eun kuntra sa COVID 19 virus bilang pagpahaom sa pagpadayon it face-to-face classes.
Sa minatuod base sa datos it Department of Health (DOH) Region 6, 47,486 o 90.24% it target nga 12 hasta 17 dag-on ro fully vaccinated eun.
Nagaasa ro gobyerno lokal nga bangud sa mas mabahoe nga numero it nabakunahang kabataan, pagasugtan eun sanda maghiwat it f2f classes sa masunod nga school year./JIL B. LACSON
