Ginlunsar it Department of Labor and Employment (DOLE) ro Nito Weaving Project sa Barangay Napatag, Tangalan, Aklan.
16 ka mga ginikanan it mga child laborers ro nataw-an it pangabuhi-an agud madugangan ro andang kita ag masuportahan ro kinhangeanon it andang mga unga.
Ro weaving project hay sambilog ka interbensyon sa mga kaso it child labor incidence nga narekord sa ginhiwat nga profiling it DOLE Region 6.
Raya man ro nagtiklod sa taetapan nga mag-umpisa it maeaparan nga drive sa mga kinamatarong it kabataan ag maghimo it mga interbensyon.
Ro mga ginikanan nga mga benepisyaryo hay gintaw-an it mga hilaw nga materyales ag mga kasangkapan.
Maliban pa sa mga ginikinan ag mga child laborers, 17 nga iban halin sa marginalized sectors ag mga weavers ro nakiparte man sa programa.
Sa kabieogan, 33 ka mga benepisyaryo ro nagahabi makara para sa mas manami nga kahimtangan it ekonomiya sa Tangalan Aklan./JIL B. LACSON
