LEGAZPI CITY – Padagos na preparasyon kan Albay Public Safety and Emergency Management Office (APSEMO) para sa Albay Grand Maritime Procession na isasabay sa pagbukas kan Magayon Festival ngunyan na taon.
Sinabi ni APSEMO Research Division Chief Eugene Escobar sa Brigada News FM Legazpi na mapuon ini sa Joroan, Tiwi kun sain hale an imahe ni Our Lady of Salvation.
Sa Mayo 1, magkakaigwa nin misa sa Joroan Port sa oras na alas kwatro nin maagahon, asin mapuon an Maritime Procession sa oras na alas singko nin maagahon pasisiring sa Sawangan Park, Legazpi City asin magkakaigwa ki manlain-lain na mga aktibidad.
Pigsiyerto ni Escobar an kaligtasan asin seguridad kan mga mapartisipar para sa aktibidad na ini.